ஜப்பானில் 100 வயதைத் தொட்டவர்களின் எண்ணிக்கை சுமார் 100,000

டோக்கியோ:

ஜப்பானில் 100 வயது அல்லது அதற்கும் மேற்பட்ட வயதுடையோரின் எண்ணிக்கை புதிய உச்சத்தைத் தொட்டுள்ளது.

அவர்களில் சுமார் 88 விழுக்காட்டினர் பெண்கள்.

தற்போது 100 வயது அல்லது அதற்கும் மேற்பட்ட வயதுடையோரின் எண்ணிக்கை குறைந்தது 99,800ஆக இருக்கிறது.

இது கடந்த ஆண்டைவிட சுமார் 5 விழுக்காடு, அதாவது சுமார் 4,600 அதிகம்.

ஜப்பானில் ஒவ்வொரு 100,000 பேருக்கும் 80 பேர் நூறு அல்லது அதற்கு மேற்பட்ட வயதுடையவர்கள்.

தற்போது ஜப்பானில் ஆக வயதானவர் ஷிகேகோ ககாவா (Shigeko Kagawa) என்கிற பெண்.

அவருக்கு வயது 114.

அவர் சுமார் 80 ஆண்டுகள் மருத்துவராகப் பணியாற்றியவர்.

உலகளவில் ஆக வயதானவர் 116 வயது எதல் கேடர்ஹாம் (Ethel Caterham). அவர் பிரிட்டனைச் சேர்ந்தவர்.

ஜப்பானில் சரியும் மக்கள்தொகையும் அதிகரிக்கும் மூத்தோரின் எண்ணிக்கையும் நெருக்கடியை ஏற்படுத்தியுள்ளது.

மருத்துவ, பராமரிப்புச் செலவுகள் அதிகரிக்கும் வேளையில் அதை ஈடுகட்டுவதற்குத் தேவையான ஊழியர் அணி சுருங்குகிறது.

சென்ற ஆண்டு மக்கள்தொகையில் ஜப்பானியர்களின் எண்ணிக்கை இதுவரை இல்லாத அளவு 900,000 குறைந்தது.

மக்கள்தொகைச் சரிவைக் கையாள அரசாங்கம் எடுத்துள்ள நடவடிக்கைகள் ஏதும் பெரிய அளவில் உதவவில்லை.

ஆதாரம்: AFP