லா லீகா கால்பந்து போட்டி: ரியல்மாட்ரிட் வெற்றி

மாட்ரிட்:

லா லீகா கால்பந்து போட்டியில் ரியல்மாட்ரிட் அணியினர் வெற்றி பெற்றனர்.

கியூதாட் அரங்கில் நடைபெற்ற ஆட்டத்தில் ரியல்மாட்ரிட் அணியினர் லெவான்தே அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய ரியல்மாட்ரிட் அணியினர் 4-1 என்ற கோல் கணக்கில் லெவான்தே அணியை வீழ்த்தி வெற்றி பெற்றனர்.

ரியல்மாட்ரிட் அணிக்காக கிளையன் எம்பாப்பே இரு கோல்களை அடித்தார்.

மற்ற கோல்களை வினிசியஸ் ஜூனியர், பிரான்கோ மஸ்தாவ்னோ ஆகியோர் அடித்தனர்.

மற்றொரு ஆட்டத்தில் வெலன்சியா அணியினர் 2-2 என்ற கோல் கணக்கில் ஸ்பான்யோல் அணியுடன் சமநிலை கண்டனர்.

வில்லாரியல் அணியினர் 2-1 என்ற கோல் கணக்கில் செவிலா அணியை வீழ்த்தி வெற்றி பெற்றனர்.

- பார்த்திபன் நாகராஜன்