அமெரிக்க டாலருக்கு எதிரான மலேசிய ரிங்கிட்டின் மதிப்பு தொடர்ந்து வலுவடைந்து வருகின்றது

பெட்டாலிங் ஜெயா: 

அமெரிக்க டாலருக்கு எதிரான மலேசிய ரிங்கிட்டின் மதிப்பு தொடர்ந்து வலுவடைந்து வருகின்றது.

இன்று காலை 8 மணி நிலவரப்படி 1 அமெரிக்க டாலர் 4.12 மலேசிய ரிங்கிட்டிற்கு விற்பனையானது.

அமெரிக்கா ரிசர்வ் குழு தலைவர் அண்மையில் வெளியிட்ட அறிக்கை  அந்நாட்டு மத்திய வங்கி வட்டி விகிதத்தைக் குறைப்பதில் கட்டுப்பாட்டுடன் இருப்பதற்கான உறுதியை வெளிப்படுத்துகின்றது. 

அதோடு இதனை விரைந்து முன்னெடுக்காமல் படிப்படியாக மேற்கொள்ளவிருப்பதையும் காட்டுகின்றது. இது நோக்கம் நடுநிலையானது என மலேசிய முவாமாலாட் வங்கியின் தலைமை பொருளாதார நிபுணர் Dr Mohd Afzanizam Abdul Rashid தெரிவித்தார்.

இதனிடையே, அமெரிக்க டாலருடன் ஒப்பிடுகையில் உலகின் சிறந்த செயல்திறன் கொண்ட நாணயமாக இப்போது மலேசிய ரிங்கிட் உள்ளது என்று MUFG வங்கியின் மூத்த ஆய்வாளரான லாயிட் சான் கூறினார்.

இதனால் மலேசியாவின் முதலீட்டு வருமானம் மிகவும் கவர்ச்சிகரமானதாக இருக்கும்.

அதைத் தொடர்ந்து, ரிங்கிட் இன்று வலுவாக இருக்கும் என்று எதிர்பார்க்கப்படுகிறது என்று அவர் கூறினார்.

இதற்கிடையில், முக்கிய நாணயக் குழுவுடன் ஒப்பிடும்போது ரிங்கிட் வலுவடைந்து வர்த்தகம் செய்யப்படுகிறது.

சிங்கப்பூர் டாலருக்கு எதிராக 3.2175/2217 இலிருந்து 3.2057/2118 ஆகவும், தாய் பாட்க்கு எதிராக 12.8037/8248 இலிருந்து 12.7082/7420 ஆகவும் அதிகரித்த ஆசியான் நாணயங்களுக்கு எதிராகவும் மலேசிய ரிங்கிட் சிறப்பாக வர்த்தகம் செய்யப்பட்டுள்ளது. 

இன்று காலை 11 மணி 1 மலேசிய ரிங்கிட் 20 இந்திய ரூபாய்க்கு வர்த்தகமானது.

- அஸ்வினி செந்தாமரை